Wo Bachpan ki Baarish

Mujhe yaad hai wo bachpan ki baarish

jab daudte kadamo se chalakte the paani ki boondein

jab har titliyon ki peeche bhagte they wo nanhe kadam

jab har boondon mein dhoondte they wo meethey pal.

.

Mujhe yaad hai wo bachpan ki baarish

jaha kagaz ki kashtiyon ki peeche bhagte they kadam

jaha har phoolon mein mitti ki khushboo talashte they hum

Jaha har ehasas hote hi ban jate they dil ki dhadkan.

.

Mujhe yaad hai wo bachpan ki baarish

Jaha maa banati thi pyar bhare pakodiyan

Jaha babuji besabri se pochhte they humare bheege sar

jaha har taraf hoti thi wo pyari khushboo aur titliyan.

.

Mujhe yaad hai wo Bachpan ki baarish

Jaha tum saath rehti thi mere

jaha har boondon ki ishare hote they sirf tumhare taraf

jaha har bheegte palo mein sirf ehsaas they tumhare.

.
Mujhe yaad hai wo bachpan ki baarish

jab tum badalo ki awaaz se dar kho jaati thi meri baahon mein

jab main chup chap sehamta hua tumhe thaame rehta

jab tumhare julfon se tapakte hue boondon ko sahejta rehta main.

.
Mujhe yaad hai wo bachpan ki baarish

jab humesha saath rehne ki kasmein khate they hum

jab meri har soch tumhare bheege chehre ko dekhkar jaati thi goom

jab har baat tumhari mujhse shuru hoker mujhpe hoti thi khatam.

.

Mujhe aaj phir de do tum wo baarish

jab tumhe chhooke aati thi wo boondein

jab tumhare saath kagaz ki kashtiyon mein ghar basane ko hota tha mann

jab tumhare kaapti palkein mein sirf mere hi they sapne.

.
- Sourish